ദുബൈ: ഹജ്ജ് തീർഥാടകരെ വഞ്ചിച്ച് പണം തട്ടിയ കേസിൽ മലയാളി ടൂർ ഓപറേറ്റർ അറസ്റ്റിൽ. ഹജ്ജിന് അവസരം നൽകാമെന്ന് വാഗ്ദാനം ചെയ്ത് യു.എ.ഇയിലെ 150 പേരിൽ നിന്നായി ഏതാണ്ട് 30 ലക്ഷം ദിർഹമാണ് ഇയാൾ തട്ടിയത്. ആലുവ സ്വദേശി ഷബിൻ റഷീദിനെ പോലീസ് ആർസെറ്റ് ചെയ്തു. ഷാർജ ആസ്ഥാനമായ അതീഖ് ട്രാവൽ ഏജൻസി ഉടമയാണ് പ്രതി.യാത്രക്ക് ദിവസങ്ങൾ മാത്രം ശേഷിക്കെ മെഡിക്കൽ സെന്‍ററിൽ എത്തിയ തീർഥാടകരില്‍ നിന്ന് ഹജ്ജിനുള്ള ഔദ്യോഗിക യാത്ര രേഖകൾ അധികൃതർ ആവശ്യപ്പെട്ടപ്പോഴാണ് വഞ്ചിതരായ വിവരം അറിഞ്ഞത്. മലയാളികളടക്കം നിരവധി പേർ ഇയാൾക്കെതിരെ പരാതിയമായി രംഗത്ത് വന്നിരുന്നു.