കാസര്ഗോഡ്: ബേഡകത്ത് ഭര്തൃ വീട്ടില് യുവതി ആത്മഹത്യ ചെയ്ത ഭര്ത്താവിനെ അറസ്റ്റ് ചെയ്ത് പൊലീസ്. അസ്കറാണ് അറസ്റ്റിലായത്. ഗാര്ഹിക പീഡന വകുപ്പ് ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. സ്ത്രീധനത്തിന്റെ പേരില് അസ്കറും കുടുംബവും മുര്സീനയെ പീഡിപ്പിച്ചിരുന്നുവെന്നായിരുന്നു യുവതിയുടെ കുടുംബത്തിന്റെ പരാതിഡിസംബര് അഞ്ചിനാണ് മുര്സീനയെ ഭര്തൃ വീട്ടില് തൂങ്ങി മരിച്ച നിലയില് കണ്ടെത്തിയത്. കിടപ്പുമുറിയില് തൂങ്ങി നില്ക്കുന്ന നിലയിലാണ് മുര്സീനയുടെ മൃതദേഹം കണ്ടെത്തിയത്.പിന്നാലെ മകള് ആത്മഹത്യ ചെയ്യില്ലെന്നും മരണം കൊലപാതകമാണെന്നും ആരോപിച്ച് മാതാപിതാക്കള് രംഗത്തെത്തി. സ്ത്രീധനത്തിന്റെ പേരില് ഭര്ത്താവ് അസ്കറും മാതാപിതാക്കളും നിരന്തരം പീഡിപ്പിച്ചിരുന്നതായി മുര്സീന പറഞ്ഞിരുന്നു. മകളുടെ മരണം വൈകിയാണ് തങ്ങളെ അറിയിച്ചതെന്നും അതില് അസ്വാഭാവികതയുണ്ടെന്നും കാഞ്ഞങ്ങാട് ഡിവൈഎസ്പിക്ക് നല്കിയ പരാതിയില് മുര്സീനയുടെ കുടുംബം പറഞ്ഞിരുന്നു. 2020ലായിരുന്നു അസ്കറുമായുള്ള മുര്സീനയുടെ വിവാഹം.രണ്ടു വയസുകാരിയായ മകളുണ്ട് ഇരുവര്ക്കും