ആലപ്പുഴ: ഓട്ടിസം ബാധിതാനായ മകനെ തീ കൊളുത്തി കൊലപ്പെടുത്തിയശേഷം മാതാവ് ആത്മഹത്യക്ക് ശ്രമിച്ചു. ആലപ്പുഴ ജില്ലയിൽ അമ്പലപ്പുഴ ക്ഷേത്രത്തിന് സമീപം താമസിക്കുന്ന ശോഭയാണ് മകൻ മഹേഷിനെ കൊലപ്പെടുത്തി ആത്മഹത്യക്ക് ശ്രമിച്ചത്. മണ്ണെണ്ണ ഒഴിച്ച് മകൻ മഹേഷിനെ തീ കൊളുത്തുകയായിരുന്നു. പിന്നീട് സ്വയം തീ കൊളുത്തി മരിക്കാനും ശോഭ ശ്രമിച്ചു.വീടിന് തീ പിടിച്ചത് കണ്ട നാട്ടുകാർ ഓടിയെത്തി ഇരുവരെയും ആശുപതിയിൽ എത്തിച്ചു. വണ്ടാനം മെഡിക്കൽ കോളജിൽ എത്തിച്ചെങ്കിലും മഹേഷ് മരിച്ചു. ശോഭ ഗുരുതരാവസ്ഥയിൽ ആശുപത്രിയിൽ ചികിത്സയിലാണ്.