തിരുവനന്തപുരം: ട്രാക്കിലെ അറ്റകുറ്റപണികളുടെ ഭാഗമായി സംസ്ഥാനത്ത് ട്രെയിൻ ഗതാഗത്തിൽ വീണ്ടും നിയന്ത്രണം. പുതുക്കാട് – ഇരിഞ്ഞാലക്കുട സെക്ഷനിൽ പാലം അറ്റകുറ്റപ്പണി നടക്കുന്നതിനാൽ നവംബർ 18, 19 തീയതികളിൽ എട്ട് ട്രെയിനുകളാണ് റദ്ദാക്കിയത്. 12 ട്രെയിനുകൾ ഭാഗികമായും റദ്ദാക്കിയിട്ടുണ്ടെന്ന് ദക്ഷിണ റെയിൽവേ അറിയിച്ചു. പ്രധാന ട്രെയിനായ മാവേലി എക്സ്പ്രസും റദ്ദാക്കിയ ട്രെയിനുകളില് ഉള്പ്പെടും. നിയന്ത്രണങ്ങൾ ഇങ്ങനെ.നവംബര് 18-ന് (ശനിയാഴ്ച) റദ്ദാക്കിയ ട്രെയിനുകള്16603 മംഗളൂരു സെന്ട്രല്- തിരുവനന്തപുരം മാവേലി എക്സ്പ്രസ്06018 എറണാകുളം- ഷൊര്ണ്ണൂര് മെമു06448 എറണാകുളം- ഗുരുവായൂര് എക്സ്പ്രസ് സ്പെഷ്യല്നവംബര് 19-ന് (ഞായർ) റദ്ദാക്കിയ ട്രെയിനുകള്16604 തിരുവനന്തപുരം സെന്ട്രല്- മംഗളൂരു മാവേലി എക്സ്പ്രസ്06017 ഷൊര്ണ്ണൂര്- എറണാകുളം മെമു06439 ഗുരുവായൂര്- എറണാകുളം എക്സ്പ്രസ് സ്പെഷ്യല്06453 എറണാകുളം- കോട്ടയം എക്സ്പ്രസ് സ്പെഷ്യല്06434 കോട്ടയം- എറണാകുളം എക്സ്പ്രസ് സ്പെഷ്യല്ഭാഗികമായി റദ്ദാക്കിയ ട്രെയിനുകള്17-ന് യാത്രയാരംഭിക്കുന്ന 22656 ഹസ്രത്ത് നിസാമുദ്ദീന്- എറണാകുളം വീക്ക്ലി സൂപ്പര്ഫാസ്റ്റ് എക്സ്പ്രസ് ഷൊര്ണ്ണൂരിനും എറണാകുളത്തിനും ഇടയില് റദ്ദാക്കി.17-ന് യാത്രയാരംഭിക്കുന്ന 16127 ചെന്നൈ എഗ്മോര്- ഗുരുവായൂര് എക്സ്പ്രസ് എറണാകുളത്തിനും ഗുരുവായൂരിനുമിടയില് റദ്ദാക്കി.18-ന് യാത്രയാരംഭിക്കുന്ന 16128 ഗുരുവായൂര്- ചെന്നൈ എഗ്മോര് എക്സ്പ്രസ് ഗുരുവായൂരിനും എറണാകുളത്തിനുമിടയില് റദ്ദാക്കി.18-ന് യാത്രയാരംഭിക്കുന്ന 16630 മംഗളൂരു സെന്ട്രല്- തിരുവനന്തപുരം സെന്ട്രല് മലബാര് എക്സ്പ്രസ് ഷൊര്ണ്ണൂരിനും തിരുവനന്തപുരത്തിനും ഇടയില് റദ്ദാക്കി.വര്ക്കല ശിവഗിരി, കടക്കാവൂര്, ചിറയിന്കീഴ്, തിരുവനന്തപുരം പേട്ട, തിരുവനന്തപുരം സെന്ട്രല്, നെയ്യാറ്റിന്കര, പാറശ്ശാല, കുഴിത്തുറ, എരണിയല് എന്നിവിടങ്ങളില് സ്റ്റോപ്പുണ്ടാവില്ല.സമയം പുനക്രമീകരിച്ചവ18-ന് ഉച്ചയ്ക്ക് 2.25-ന് യാത്രയാരംഭിക്കേണ്ട 16348 മംഗളൂരു സെന്ട്രല്- തിരുവനന്തപുരം സെന്ട്രല് എക്സ്പ്രസ് ഏഴുമണിക്കൂര് വൈകി രാത്രി 9.25-ന് മാത്രമേ യാത്ര ആരംഭിക്കുകയുള്ളൂ.കൂടുതൽ യാത്രക്കാർ ട്രെയിനുകളെ ആശ്രയിക്കുന്ന ശനി, ഞായർ ദിവസങ്ങളിലെ നിയന്ത്രണം കടുത്ത യാത്രാക്ലേശത്തിന് ഇടയാക്കുമെന്നാണ് വിലയിരുത്തുന്നത്. മംഗലാപുരം – തിരുവനന്തപുരം – മംഗലാപുരം മാവേലി എക്സ്പ്രസ് ഉൾപ്പടെയുള്ള ട്രെയിനുകളാണ് പൂർണമായും റദ്ദാക്കിയതെന്നതും ദുരിതം ഇരട്ടിപ്പിക്കും. അതേസമയം യാത്രക്കാര്ക്ക് നേരിടുന്ന അസൗകര്യത്തില് ഖേദം അറിയിക്കുന്നതായും റെയില്വേ അറിയിച്ചു. ഇരിങ്ങാലക്കുട പുതുക്കാട് സെക്ഷനില് പാലം പണി നടക്കുന്നതിനാലാണ് ഈ ദിവസങ്ങളില് ട്രെയിനുകള് റദ്ദാക്കിയത്.