കോഴിക്കോട്: താമരശ്ശേരിയില് ഹോം ഗാര്ഡിനെ മിനി ലോറി ഇടിച്ചു തെറിപ്പിച്ചു. താമരശ്ശേരി പൊലീസ് സ്റ്റേഷനിലെ ഹോം ഗാര്ഡ് ടി ജെ ഷാജിക്കാണ് അപകടത്തിൽ ഗുരുതര പരിക്ക് പറ്റിയത്. സീബ്രാ ലൈനിലൂടെ റോഡ് മുറിച്ചു കടക്കാന് വിദ്യാര്ത്ഥികളെ സഹായിക്കുന്നതിനിടെയായിരുന്നു അപകടം.കോരങ്ങാട് ഗവണ്മെന്റ് ഹയര് സെക്കന്ററി സ്കൂളിന് സമീപത്ത് വെച്ചാണ് അപകടം നടന്നത്. പരിക്കേറ്റ ഷാജിയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. വിദ്യാര്ത്ഥികള്ക്ക് സീബ്രാ ലൈനിലൂടെ റോഡ് മുറിച്ച കടക്കാനായി വാഹനങ്ങള് നിയന്ത്രിക്കുന്നതിനിടയിലാണ് ഷാജിയെ മിനി ലോറി ഇടിച്ചത്.ഇടിയുടെ ആഘാതത്തിൽ ഷാജി തെറിച്ച് പോയി. തലക്ക് സഹിതം ഗുരുതര പരിക്ക് പറ്റിയിട്ടുണ്ട്. മിനി ലോറി അമിത വേഗത്തിലായിരുന്നുവെന്ന് നാട്ടുകാര് പറഞ്ഞു. സംഭവത്തിന്റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട്. ലോറി ഡ്രൈവറായ നടുവണ്ണൂര് മന്ദങ്കാവ് സ്വദേശി എന് പി സുജിത്തിനെ പൊലീസ് കസ്റ്റഡിയിലെടുത്തു. ഇയാളെ വിശദമായി ചോദ്യം ചെയ്ത് വരികയാണ്.