ബൈക്കിന് പിന്നിൽ മറ്റൊരു വാഹനം ഇടിച്ചു; കോഴിക്കോട് ഇ​ഖ്റ ആ​ശു​പ​ത്രി ജീ​വ​ന​ക്കാ​രിയായ യുവതിക്ക് ദാരുണാന്ത്യം

കോ​ഴി​ക്കോ​ട്: ഇരുചക്രവാഹനത്തിൽ സ​ഹോ​ദ​ര​നൊ​പ്പം സ​ഞ്ച​രി​ക്ക​വെ പിന്നിൽ നിന്ന് മറ്റൊരു വാഹനം ഇടിച്ച് അ​പ​ക​ടം.​ കോഴിക്കോട് ഇ​ഖ്റ ആ​ശു​പ​ത്രി ജീ​വ​ന​ക്കാ​രിയായ യുവതിക്ക് ദാരുണാന്ത്യം. യൂ​ണി​വേ​ഴ്സി​റ്റി ദേ​വ​തി​യാ​ൽ പൂ​വ​ള​പ്പി​ൽ 24 കാരിയായ ബീ​ബി ബി​ഷാ​റ ആ​ണ് മ​രി​ച്ച​ത്. തി​ങ്ക​ളാ​ഴ്ച വൈ​കീ​ട്ട് ഏ​ഴു​ മ​ണി​യോ​ടെയാണ് സംഭവം. രാ​മ​നാ​ട്ടു​ക​ര മേ​ൽ​പാ​ല​ത്തി​ൽ വെച്ച് മറ്റൊരു വാഹനം ഇവർ സഞ്ചരിച്ച വാഹനത്തിന് പിന്നിലിടിക്കുകയായിരുന്നു.ഇ​ഖ്റ ആ​ശു​പ​ത്രി​യി​ൽ ഇ.​സി.​ജി ടെ​ക്നീ​ഷ്യ​നാ​യ ബി​ഷാ​റ​യെ ആ​ശു​പ​ത്രി​യി​ലാ​ക്കാ​ൻ ഇ​രു​ച​ക്ര​വാ​ഹ​ന​ത്തി​ൽ ഇ​റ​ങ്ങി​യ​താ​യി​രു​ന്നു സ​ഹോ​ദ​ര​ൻ. പി​ന്നി​ൽ​നി​ന്ന് വാ​ഹ​ന​മി​ടി​ച്ച​തി​നെ​ത്തു​ട​ർ​ന്ന് മ​റ്റൊ​രു വാ​ഹ​ന​ത്തി​ന​ടി​യി​ലേ​ക്ക് ​തെ​റി​ച്ചു​വീ​ണ ബി​ഷാ​റ​യു​ടെ ദേ​ഹ​ത്തു​കൂ​ടെ വാ​ഹ​നം ക​യ​റി​യി​റ​ങ്ങു​ക​യാ​യി​രു​ന്നു​വെ​ന്നാ​ണ് പ​റ​യു​ന്ന​ത്. ഉ​ട​ൻ​ത​ന്നെ ഇ​ഖ്റ ആ​ശു​പ​ത്രി​യി​ൽ എ​ത്തി​​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.സ​ഹോ​ദ​ര​ൻ ഫ​ജ​റു​ൽ ഇ​സ്‍ലാ​മി​ന് (26) നി​സ്സാ​ര പ​രി​ക്കേ​റ്റി​ട്ടു​ണ്ട്. മി​ക്ക ദി​വ​സ​ങ്ങ​ളി​ലും സ​ഹോ​ദ​ര​ൻ​ ത​ന്നെ​യാ​യി​രു​ന്നു ബി​ഷാ​റ​യെ ജോ​ലി​ക്ക് ആ​ശു​പ​ത്രി​യി​ൽ എ​ത്തി​ച്ച​തും തി​രി​ച്ചു​ കൊ​ണ്ടു​ പോ​യി​രു​ന്ന​തും. പി​താ​വ്: പ​രേ​ത​നാ​യ പി.​വി. ഹു​സൈ​ൻ മൗ​ല​വി. മാ​താ​വ്: സു​മ​യ്യ. ഭ​ർ​ത്താ​വ്: മു​ഹ​മ്മ​ദ് കോ​മ​ത്ത്. സ​ഹോ​ദ​ര​ങ്ങ​ൾ: സ​ലാം, മു​ബാ​റ​ക്, പി.​വി. റ​ഹ്മാ​ബി (ജ​മാ​അ​ത്തെ ഇ​സ്‍ലാ​മി ശൂ​റ ക​മ്മി​റ്റി​യം​ഗം), ജാ​ബി​ർ സ​ുലൈം (പ​ർ​ച്ചേ​ഴ്സ് മാ​നേ​ജ​ർ ഇ​ഖ്റ ആ​ശു​പ​ത്രി), ന​ഈ​മ, ബ​ദ​റു​ദ്ദീ​ൻ, റാ​ഹ​ത്ത് ബാ​നു, ഫ​ജ​റു​ൽ ഇ​സ്‍ലാം.