വയനാട് കല്പ്പറ്റയില് മേപ്പാടി മുണ്ടക്കൈ ദുരന്ത ഭൂമിയായിരിക്കുകയാണ്. ചൊവ്വാഴ്ച പുലര്ച്ചെ രണ്ട് മണിയോടെയാണ് അപകടം സംഭവിച്ചത്. ഇത് വരെ 282 പേരാണ് ഉരുള്പൊട്ടലില് മരിച്ചതായി സ്ഥിരീകരിച്ചത് . ഇനിയും നിരവധി ആളുകളെ കണ്ടെത്താൻ ഉണ്ട്, ഉറ്റവരെ തേടി അലയുന്ന കുടുംബാംഗങ്ങളുടെ ദാരുണമായ കാഴ്ചയുമാണ് വയനാട്ടില് കാണാനാകുന്നത്. ഇന്നോളം കേരളം നേരിട്ട വലിയ ദുരന്തങ്ങളില് ഒന്നായിരിക്കുകയാണ് മുണ്ടക്കൈ. സര്വതും നഷ്ടപ്പെട്ട് ക്യാമ്പുകളില് നിരവധിപ്പേരാണുള്ളത്. നിരവധി ആളുകളെ കണ്ടെത്താനാനുണ്ടെന്നും ആണ് ദുരന്ത ഭൂമിയിലെ റിപ്പോര്ട്ടുകളില് നിന്ന് മനസ്സിലാകുന്നത്.ഇതിനിടെ ദുരിതാശ്വാസ പ്രവര്ത്തകരിലേക്ക് എത്തിയെന്ന് കരുതുന്ന വ്യത്യസ്തമായ ഒരു അഭ്യര്ഥനയാണ് സാമൂഹിക മാധ്യമങ്ങളിലെ ചര്ച്ച.‘ചെറിയ കുട്ടികള്ക്ക് മുലപ്പാല് ആവശ്യമുണ്ടെങ്കില് അറിയിക്കണേ…എന്റെ ഭാര്യ റെഡിയാണ്’ എന്നാണ് ഒരാള് വാട്സ് ആപ്പ് സ്ന്ദേശത്തിലൂടെ അറിയിച്ചിരിക്കുന്നത്. ഇത് അയച്ച ആളിന്റെ പേരും വിവരങ്ങളും മായ്ച്ചുകൊണ്ടുള്ള സ്ക്രീന്ഷോട്ടുകളാണ് സോഷ്യല് മീഡിയയില് പ്രചരിക്കുന്നത്.ആരാണ്, എന്താണ് എന്ന് അറിയില്ലെങ്കിലും ചേര്ത്ത് പിടിക്കലിന്റെ ഈ മാതൃകയ്ക്ക് നിറഞ്ഞ കൈയടിയാണ് സോഷ്യല് മീഡിയ നല്കുന്നത്. തങ്കലിപികളാല് രേഖപ്പെടുത്തേണ്ട പേരാണ് അവരുടേത്. അതുകൊണ്ട് പേര് മറയ്ക്കാതെ കാണിക്കൂ എന്നാണ് ചിലര് കമന്റ് ചെയ്തിരിക്കുന്നത്.
