മലപ്പുറം: പരേതന്റെ സാമൂഹ്യ സുരക്ഷാ പെന്ഷന് തട്ടിയെടുത്തതായി പരാതി. മലപ്പുറം ആലങ്കോട് സ്വദേശി പെരിഞ്ചിരിയില് അബ്ദുള്ളയുടെ പെന്ഷന് ആണ് തട്ടിയത്. സംഭവത്തിൽ മരിച്ച വ്യക്തിയുടെ കുടുംബം നടപടി ആവശ്യപ്പെട്ട് രംഗത്തെത്തി. അബ്ദുള്ള മരിച്ചത് 2019 ഡിസംബര് 17 ന് ആണ്. 2020 സെപ്റ്റംബര് മാസം വരെ പെന്ഷന് കൈപ്പറ്റിയതായിട്ടുള്ള വിവരാവകാശ രേഖ ആണ് പുറത്തു വന്നത്.2019 ഒക്ടോബര് മുതല് പെന്ഷന് വീട്ടില് ലഭിച്ചിട്ടില്ലെന്ന് മരിച്ച അബ്ദുള്ളയുടെ കുടുംബം വ്യക്തമാക്കി. നടപടി ആവശ്യപ്പെട്ടു കുടുബം പഞ്ചായത്ത് സെക്രട്ടറിക്ക് പരാതി നല്കി.