തിരുവനന്തപുരം: കെപിസിസിയുടെ പ്രചരണ സമിതി ചെയര്മാനായി മുതിർന്ന കോൺഗ്രസ് നേതാവ് രമേശ് ചെന്നിത്തലയെ തെരഞ്ഞടുത്തു. നിലവിലെ പ്രചരണ സമിതി ചെയര്മാനായിരുന്ന കെ മുരളീധരന് തൃശൂരില് സ്ഥാനാര്ഥിയായ സാഹചര്യത്തിലാണ് പുതിയ ചെയര്മാനായി രമേശ് ചെന്നിത്തലയെ തെരഞ്ഞെടുത്തത്.കേരളത്തിൽ കോണ്ഗ്രസിന്റെ തെരഞ്ഞെടുപ്പ് പ്രചാരണം രമേശ് ചെന്നിത്തല നയിക്കും. കോൺഗ്രസ് അധ്യക്ഷൻ മല്ലികാർജുർ ഖർഗെയുടെതാണ് തീരുമാനം. ടി എന് പ്രതാപനെ കെപിസിസി വര്ക്കിങ് പ്രസിഡന്റായി ഹൈക്കമാന്ഡ് ചുമതലപ്പെടുത്തി.കോണ്ഗ്രസിന്റെ ഔദ്യോഗിക സ്ഥാനാര്ഥി പ്രഖ്യാപനത്തിന് മുന്പ് പ്രതാപന്റെ പേരില് തൃശൂരില് പ്രചാരണം തുടങ്ങിയിരുന്നു. ചുവരെഴുത്തും ഫ്ലക്സുകളും പ്രചാരണത്തിനായി ഒരുക്കിയിരുന്നു. എന്നാല് അപ്രതീക്ഷിതമായി തൃശൂരില് കെ മുരളീധരനെ സ്ഥാനാര്ഥിയാക്കുകയായിരുന്നു.