തിരുവനന്തപുരം: സംസ്ഥാനത്തെ റേഷന് കടകളുടെ സമയം പുനഃക്രമീകരിച്ചു. നാളെ മുതല് ശനിയാഴ്ച വരെയാണ പുതിയ സമയക്രമീകരണം. തിരുവനന്തപുരം മുതല് എറണാകുളം വരെയുള്ള ഏഴു ജില്ലകളില് ചൊവ്വ, വ്യാഴം ദിവസങ്ങളില് രാവിലെയും ബുധന്, ശനി ദിവസങ്ങളില് ഉച്ചയ്ക്ക് ശേഷവും റേഷൻ കട പ്രവര്ത്തിക്കും. തൃശൂര് മുതല് കാസര്കോട് വരെയുള്ള ഏഴ് ജില്ലകളില് ബുധന്, ശനി ദിവസങ്ങളില് രാവിലെയും ചൊവ്വ, വ്യാഴം ദിവസങ്ങളില് ഉച്ചയ്ക്ക് ശേഷവുമാണ് റേഷൻ കട തുറന്ന് പ്രവർത്തിക്കുക.മസ്റ്ററിങ് നടക്കുന്നതിനാല് സര്വറില് തിരക്ക് അനുഭവപ്പെടുന്നത് ഒഴിവാക്കാനാണ് ക്രമീകരണം. മസ്റ്ററിങും റേഷന് വിതരണവും ഒരേ സമയം നടക്കുന്നത് സാങ്കേതിക പ്രശ്നമുണ്ടാക്കുമെന്ന വിലയിരുത്തിയിരുന്നു. മസ്റ്ററിങ് നടക്കുന്നതിനാൽ സെർവർ ഓവർലോഡ് ഒഴിവാക്കുന്നതിനും റേഷൻ വിതരണം ത്വരിതപ്പെടുത്തുന്നതിനുമാണ് പുതിയ ക്രമീകരണമെന്ന് അധികൃതര് അറിയിച്ചു. ശിവരാത്രി ദിനമായ മാര്ച്ച് എട്ടിന് റേഷൻ കടകൾക്ക് അവധിയായിരിക്കും.