വട്ടിയൂർക്കാവ്: സംശയരോഗത്തെ തുടർന്ന് ഭാര്യയെ ബ്ലേഡ് കൊണ്ട് വരഞ്ഞ് മുറിവേൽപ്പിച്ച ആൾ അറസ്റ്റിൽ. വഴയില വിസ്മയ നഗര് ബഥേല് വീട്ടില് അനില്കുമാര് (48) ആണ് വട്ടിയൂര്ക്കാവ് പോലീസിന്റെ പിടിയിലായത്. വഴയില വിസ്മയ നഗറില് വാടകക്ക് താമസിക്കുന്ന 39 വയസ്സുകാരിയായ സ്ത്രീയാണ് ക്രൂരതക്കിരയായത്. അനില്കുമാര് ഇവരുടെ കഴുത്തില് ബ്ലേഡ് കൊണ്ട് വരഞ്ഞ് മുറിവേല്പിക്കുകയായിരുന്നു.സംശയരോഗമാണ് പ്രതിയെ ഇതിന് പ്രേരിപ്പിച്ചതെന്നും കുറേ നാളായി ഇയാള് ഭാര്യയെ ശാരീരിക പീഡനത്തിനിരയാക്കി വരുന്നതായും വട്ടിയൂര്ക്കാവ് പൊലീസ് പറഞ്ഞു. മകള് നല്കിയ പരാതിയുടെ അടിസ്ഥാനത്തിലാണ് അനില്കുമാറിനെ പിടികൂടിയത്. ഇയാളെ കോടതിയില് ഹാജരാക്കി.