ഷാര്ജ: ഷാർജയിൽ തിങ്കളാഴ്ച രാത്രി നടന്ന വാഹനാപകടത്തിൽ മരിച്ചത് രണ്ട് മലയാളികൾ. ഒരാൾ ഗുരുതരാവസ്ഥയിൽ ആശുപത്രിയിൽ ചികിത്സയിലാണ്. തിരുവനന്തപുരം പേരൂർക്കട സ്വദേശി ജാസിം സുലൈമാൻ (33), പാങ്ങോട് സനോജ് മൻസിലിൽ സനോജ് ഷാജഹാൻ (38) എന്നിവരാണ് മരിച്ചത്. മരിച്ച ജാസിമിന്റെ ഭാര്യ ഷിഫ്ന അബ്ദുൽ നസീറാണ് ആശുപത്രിയിൽ ചികിത്സ തേടിയത്. ഇവരുടെ മക്കളായ ഇഷ, ആദം എന്നിവർക്കും അപകടത്തിൽ പരിക്കേറ്റു.