ഇടുക്കി: കപ്പത്തൊണ്ട് കഴിച്ചതിനെ തുടർന്ന് പശുക്കള് കൂട്ടത്തോടെ ചത്ത കുട്ടിക്കര്ഷകരുടെ വെള്ളിയാമറ്റത്തെ വീട് സന്ദർശിച്ച് മന്ത്രിമാരായ ചിഞ്ചുറാണിയും റോഷി അഗസ്റ്റിനും. കുട്ടികൾക്ക് അഞ്ചു പശുക്കളെ സര്ക്കാര് നല്കുമെന്നും മൃഗസംരക്ഷണ- ക്ഷീരവികസന വകുപ്പ് മന്ത്രി ജെ ചിഞ്ചു റാണി പറഞ്ഞു. മാത്രമല്ല കൂടുതല് സഹായങ്ങൾ നാളെ ചേരുന്ന മന്ത്രിസഭാ യോഗത്തിൽ തീരുമാനിക്കുമെന്നും മന്ത്രി വ്യക്തമാക്കി.കുട്ടിക്കര്ഷകര്ക്ക് 45000 രൂപ മില്മ ഇന്നു തന്നെ നല്കും. ഒരുമാസത്തെ കാലിത്തീറ്റ സൗജന്യമായി നല്കുമെന്നും മന്ത്രി അറിയിച്ചു. കുട്ടിക്കര്ഷകര്ക്ക് അഞ്ചു ലക്ഷം രൂപ നല്കുമെന്ന് നടന് ജയറാം പ്രഖ്യാപിച്ചിരുന്നു. ഓസ്ലര് സിനിമയുടെ ട്രെയ്ലര് ലോഞ്ചിന് കരുതി വെച്ചിരുന്ന തുകയാണ് നടന് കുട്ടിക്കര്ഷകര്ക്ക് സഹായമായി നല്കുന്നത്.കുട്ടികര്ഷകരായ ജോര്ജ് കുട്ടിയുടെയും മാത്യുവിന്റെയും 13 പശുക്കളാണ് ചത്തത്. കപ്പത്തൊലി കഴിച്ചതാണ് ചത്തതെന്നാണ് സംശയം. മികച്ച കുട്ടി ക്ഷീരകര്ഷകനുള്ള സംസ്ഥാന അവാര്ഡും മാത്യുവിന് ലഭിച്ചിരുന്നു. തൊടുപുഴയിലെ ഏറ്റവും മികച്ച ക്ഷീരഫാമുകളിലൊന്നാണിത്. നിരവധി പുരസ്കാരങ്ങളാണ് ഈ ഫാം നേടിയിട്ടുള്ളത്. പശുക്കള് ചത്തുവീഴുന്നത് കണ്ട് മാത്യു ബോധരഹിതനായിരുന്നു.