ഇനി മുതൽ പരസ്യങ്ങള് കാണാതെ എഫ്ബിയും ഇന്സ്റ്റയും ഉപയോഗിക്കാം. ഉപയോക്താക്കൾക്ക് കിടിലൻ ഫീച്ചർ ഒരുക്കാൻ യുറോപ്പിൽ തുടക്കമായി. പുതിയ പെയ്ഡ് വേര്ഷന് സബ്സ്ക്രൈബ് ചെയ്യാം. അല്ലാത്തവര്ക്ക് സൗജന്യ സേവനം തുടരാമെന്നും മെറ്റ.പുതിയ വേര്ഷനില് സൈന് അപ്പ് ചെയ്യാനുള്ള നിര്ദേശങ്ങള് അടങ്ങിയ നോട്ടിഫിക്കേഷനുകള് മെറ്റ പ്രദര്ശിപ്പിച്ച് തുടങ്ങിയെന്നാണ് റിപ്പോര്ട്ട്.പരസ്യ രഹിത അക്കൗണ്ടുകള്ക്കായി പ്രതിമാസം 12 യൂറോ (ഏകദേശം 1071 രൂപ) ആണ് നല്കേണ്ടത്. വെബില് ഒമ്പത് യൂറോ (ഏകദേശം 803 രൂപ) ആണ് നല്കേണ്ട നിരക്ക്. സൗജന്യ സേവനം ഉപയോഗിക്കുമ്പോള് പരസ്യങ്ങള് കാണാന് നിര്ബന്ധിതരാകും. ഡാറ്റകള് പരസ്യ വിതരണത്തിനായി ശേഖരിക്കുമെന്നും മെറ്റ വ്യക്തമാക്കിയിട്ടുണ്ട്. അതേസമയം, പുതിയ പെയ്ഡ് വേര്ഷന് ഇന്ത്യയിന് ഉടന് ആരംഭിക്കില്ലെന്നാണ് റിപ്പോര്ട്ടുകള്.