തിരുവനന്തപുരം: സംസ്ഥാനത്ത് . ഇ പോസ് മെഷീൻ തകരാറിലായതിനാൽ റേഷൻ വിതരണം പൂർണമായും തടസപ്പെട്ടു. ഇന്ന് രാവിലെ മുതലാണ് റേഷൻ വിതരണം തടസപ്പെട്ടത്. OTP, യിലും ആധാർ ഓതന്റിഫിക്കേഷലിലും പരാജയമാണ്. കഴിഞ്ഞമാസവും ഇതേ ബുദ്ധിമുട്ടുകൾ അനുഭവപ്പെട്ടിരുന്നു.കഴിഞ്ഞ കുറെ നാളായി നിലനിൽക്കുന്ന പ്രശ്നമാണിത്. ഇ പോസ് മെഷീന്റെ ക്ലൌഡ് മാറ്റിയിട്ടും ബാന്ഡ്വിത്ത് കൂട്ടിയിട്ടും നിരന്തരം പണിമുടക്കുകയാണ് ഇ പോസ് മെഷീന്. കഴിഞ്ഞ കുറെ മാസത്തിലേറെയായി ഇ പോസുമായി ബന്ധപ്പെട്ട സാങ്കേതിക പ്രശ്നം പരിഹരിക്കാന് ഭക്ഷ്യവകുപ്പിനായിട്ടില്ല.ഇന്ന് മുതല് പലയിടങ്ങളിലും റേഷന് വിതരണത്തില് പ്രശ്നം നേരിട്ടിരുന്നു. ഇന്ന് രാവിലെ പത്ത് മണിയോടെ റേഷന് വിതരണം പൂര്ണമായും തടസപ്പെട്ടു. റേഷന് വാങ്ങാന് എത്തിയ പലരും വാങ്ങാതെ മടങ്ങേണ്ട അവസ്ഥയാണെന്ന് റേഷന് വ്യാപാരികള് പറഞ്ഞു. ഇന്നലെയും സമാനമായ പ്രശ്നങ്ങൾ റേഷൻ കടകളിൽ അനുഭവപ്പെട്ടു.