ന്യൂഡല്ഹി: പ്രതിപക്ഷ സഖ്യത്തിന് ‘ഇന്ത്യ’ എന്ന പേര് നല്കിയതില് ഇടപെടാനാകില്ലെന്ന് കേന്ദ്ര തിരഞ്ഞെടുപ്പ് കമ്മീഷന്. 26 പ്രതിപക്ഷ കക്ഷികള് ചേര്ന്ന് ‘ഇന്ത്യന് നാഷണല് ഡവലപ്മെന്റല് ഇന്ക്ലൂസീവ് അലയന്സ്’ രൂപീകരിച്ചതും ഇന്ത്യയെന്ന ചുരുക്ക പേര് നല്കിയതും ചോദ്യം ചെയ്ത് ഗിരീഷ് ഭരദ്വാജ് നല്കിയ പൊതുതാത്പര്യ ഹര്ജിയിലാണ് കമ്മീഷന് സത്യവാങ്മൂലം ഫയല് ചെയ്തത്. ഡല്ഹി ഹൈക്കോടതിയിലാണ് കേന്ദ്ര തിരഞ്ഞെടുപ്പ് കമ്മീഷന് ഈ കാര്യം വ്യക്തമാക്കിയത്.1951 ലെ ജനപ്രാതിനിധ്യ നിയമത്തിലെ വ്യവസ്ഥകള് പ്രകാരം രാഷ്ട്രീയ സഖ്യങ്ങളില് ഇടപെടാന് കമ്മീഷന് അധികാരം ഇല്ലെന്നും സത്യവാങ്മൂലത്തില് വിശദീകരിച്ചിട്ടുണ്ട്. കേരള ഹൈക്കോടതി ഇക്കാര്യം വ്യക്തമാക്കി ഉത്തരവ് ഇറക്കിയിട്ടുണ്ടെന്നും കമ്മീഷന് വ്യക്തമാക്കി.