തിരുവനന്തപുരം: സംസ്ഥാനത്ത് പകർച്ചപ്പനിയുടെ വ്യാപനം ഉയരുന്നു. ഇന്നലെ തിരുവനന്തപുരത്ത് ഒരു ഡെങ്കു മരണം കൂടി റിപ്പോർട്ട് ചെയ്തതായും ആരോഗ്യ വകുപ്പ്. ഇത്തരത്തിൽ സംസ്ഥനത്ത് പകര്ച്ചപ്പനി വ്യാപിക്കുന്ന സാഹചര്യത്തിൽ ആരോഗ്യമന്ത്രി യോഗം വിളിച്ചിട്ടുണ്ട്. കൂടാതെ കുട്ടികളിലപം പ്രായമായവരിലും ഡെങ്കുവില് പ്രത്യേക ജാഗ്രത വേണമെന്നും ആരോഗ്യവിദഗ്ധര് മുന്നറിയിപ്പ് നല്കിയിട്ടുണ്ട്.സെപ്റ്റംബറില് സംസ്ഥാനത്ത് റിപ്പോര്ട്ട് ചെയ്തത് 1697 ഡെങ്കു കേസുകളാണ്. മൂന്ന് മരണവും റിപ്പോര്ട്ട് ചെയ്തു. 210 എലിപ്പനി കേസുകളും, ആറ് മരണവുമാണ് കഴിഞ്ഞ മാസം റിപ്പോര്ട്ട് ചെയ്തത്. ഈ മാസം ഇതുവരെ 1370 ഡെങ്കിപ്പനി കേസുകളും 292 എലിപ്പനി കേസുകളും റിപ്പോര്ട്ട് ചെയ്തു. പനി ബാധിച്ചുള്ള മരണം കൂടി. അഞ്ച് പേര് ഡെങ്കിപ്പനി ബാധിച്ചും, 12 പേര് എലിപ്പനി ബാധിച്ചും മരിച്ചു. കഴിഞ്ഞ ദിവസം തിരുവനന്തപുരത്ത് ഡെങ്കു ബാധിച്ച് 27കാരി മരിച്ചിരുന്നു. അതിന് മുമ്പ് ആറ് വയസുകാരിയുടെയും 27കാരന്റെയും മരണം റിപ്പോര്ട്ട് ചെയ്തിരുന്നു. പത്ത് ദിവസത്തിനിടെ മൂന്ന് മരണമാണ് തിരുവനന്തപുരം ജില്ലയില് റിപ്പോര്ട്ട് ചെയ്തത്.ഇടവിട്ടുള്ള മഴയ്ക്കൊപ്പം പലയിടത്തും വെള്ളക്കെട്ടുണ്ടായതും പകര്ച്ച പനി ഉയരാന് കാരണമായി. കഴിഞ്ഞ വര്ഷത്തേക്കാള് രോഗികളുടെ എണ്ണം ഉയര്ന്നു. എങ്കിലും നിലവില് ഗുരുതര സാഹചര്യമില്ലെന്നാണ് വിലയിരുത്തല്. കൂടുതല് നടപടികള് ചര്ച്ച ചെയ്യാനാണ് നാളെ ആരോഗ്യമന്ത്രിയുടെ നേതൃത്വത്തില് ഉന്നതതല യോഗം ചേരുന്നത്.