തിരുവനന്തപുരം: നവംബര് 1 മുതല് ഫിറ്റ്നസ് സര്ട്ടിഫിക്കറ്റിന് സീറ്റ് ബെല്റ്റും ക്യാമറയും നിര്ബന്ധമാകുമെന്ന് മന്ത്രി ആന്റണി രാജു. ഹെവി വാഹനങ്ങൾക്കാണ് ഇത് ബാധകമാകുന്നത്. ഡ്രൈവറുടെ നിരയിലെ മുന് സീറ്റില് യാത്ര ചെയ്യുന്നയാള്ക്കും കേന്ദ്ര നിയമം അനുശാസിക്കുന്ന വിധത്തില് സീറ്റ് ബെല്റ്റും, സ്റ്റേജ് കാരിയേജുകള്ക്കുള്ളിലും പുറത്തും ക്യാമറകള് ഘടിപ്പിക്കണമെന്ന ഉത്തരവ്. സ്റ്റേജ് കാരിയേജ് ഉള്പ്പെടെയുള്ള എല്ലാ ഹെവി വാഹനങ്ങൾക്കും ഉത്തരവ് നവംബര് ഒന്നു മുതല് പ്രാബല്യത്തില് വരുമെന്നും ഗതാഗത മന്ത്രി അറിയിച്ചു.ഹെവി വാഹനങ്ങള്ക്ക് സീറ്റ് ബെല്റ്റും ക്യാമറകളും ഘടിപ്പിക്കുന്നത് നിര്ബന്ധമാക്കുന്നത് നവംബര് 1 മുതല് ഫിറ്റ്നെസ് സര്ട്ടിഫിക്കറ്റിനു ഹാജരാക്കുന്നതു മുതലേ ബാധകമാക്കാവൂ എന്ന വാഹന ഉടമകളുടെ ആവശ്യം അംഗീകരിച്ചു കൊണ്ട്, സീറ്റ് ബെല്റ്റും ക്യാമറകളും ഘടിപ്പിച്ച വാഹനങ്ങള്ക്കു മാത്രമേ നവംബര് 1 മുതല് ഫിറ്റ്നെസ് സര്ട്ടിഫിക്കറ്റ് നല്കാവൂ എന്നും മന്ത്രി ഉത്തരവിട്ടു.