ചെന്നൈ: പടക്ക നിർമാണശാലകളിൽ വൻ സ്ഫോടനം. അപകടത്തിൽ പത്തുപേർ മരിച്ചു. നിരവധിപേർക്ക് പരിക്ക്. തമിഴ്നാട് ശിവകാശിയിലെ രണ്ട് പടക്ക നിര്മാണ ശാലകളിലാണ് സ്ഫോടനം ഉണ്ടായത്. അഗ്നിശമനസേനാ യൂണിറ്റുകൾ സ്ഥലത്തെത്തി തീയണച്ചു.കമ്മാപട്ടി ഗ്രാമത്തിലെ പടക്ക നിര്മാണ ശാലയിലും മറ്റൊരിടത്തുമാണ് ഇന്ന് വൈകിട്ടോടെ സ്ഫോടനമുണ്ടായത്. ശിവകാശിക്ക് സമീപമാണ് രണ്ടു പടക്ക നിര്മാണ ശാലകളും സ്ഥിതി ചെയ്യുന്നത്. രണ്ട് അപകടങ്ങളിലായി ഒമ്പതുപേര് മരിച്ചതെന്നും കൂടുതല് കാര്യങ്ങള് അന്വേഷിച്ചുകൊണ്ടിരിക്കുകയാണെന്നും പൊലീസ് അറിയിച്ചു.അപകടം നടന്നയുടനെ അപകടത്തില് ആറു പേര് മരിച്ചുവെന്നാണ് ആദ്യം അധികൃതര് അറിയിച്ചിരുന്നത്. പിന്നീടാണ് മരണ സംഖ്യ പത്തായി ഉയര്ന്നത്. തീ നിയന്ത്രണ വിധേയമാക്കി പരിക്കേറ്റവരെ ആശുപത്രിയിലേക്ക് മാറ്റാനുള്ള നടപടികളും തുടരുകയാണ്