അബുദാബി: യുഎഇയില് നേരിയ ഭൂചലനം ഉണ്ടായി. ഇറാനില് ചൊവ്വാഴ്ച മൂന്നാം തവണയും ഭൂചലനമുണ്ടായി. ഇതിന്റെ പ്രകമ്പനമായിരുന്നു യുഎഇയിലുമുണ്ടായത്.വടക്കന് യുഎഇയില് താമസിക്കുന്ന ആളുകള്ക്ക് നേരിയ പ്രകമ്പനം അനുഭവപ്പെട്ടതായി നാഷണല് സെന്റര് ഫോര് മെറ്റീരിയോളജി അറിയിച്ചു. എന്നാല് രാജ്യത്ത് ഭൂചലനം കൊണ്ട് പ്രത്യാഘാതങ്ങളുണ്ടായിട്ടില്ല. ഇറാനില് ചൊവ്വാഴ്ച ഉച്ചയ്ക്ക് യുഎഇ സമയം 12.22 മണിക്കാണ് 5.6 തീവ്രത രേഖപ്പെടുത്തിയ ഭൂചലനം ഇറാനിലുണ്ടായത്. ഇന്ന് തന്നെ ഇത് മൂന്നാം തവണയാണ് ഇറാനില് ഭൂചലനമുണ്ടാകുന്നത്. രാവിലെ 9.10നും 8.59നും റിക്ടര് സ്കെയിലില് യഥാക്രമം 6.0, 5.5 തീവ്രത രേഖപ്പെടുത്തിയ ഭൂചലനങ്ങള് ഇറാനില് അനുഭവപ്പെട്ടിരുന്നു.
