തിരുവനന്തപുരം: വർക്കലയിൽ ഓടുന്നതിനിടെ കാറിനു തീപിടിച്ചു. കാറിന്റെ മുൻഭാഗം കത്തി നശിച്ചു.ഇന്ന് വൈകിട്ട് 5 മണിയ്ക്ക് വട്ടപ്ലാമൂടിനടുത്ത് വച്ചായിരുന്നു അപകടം ഉണ്ടായത്.കാറിൽ നിന്ന് പുക ഉയരുന്നത് കണ്ട നാട്ടുകാർ ബഹളം വെച്ചതോടെ ഡ്രൈവർ വാഹനത്തിൽ നിന്ന് പുറത്തിറങ്ങിയത് അപകടം ഒഴിവാക്കി. ചിലക്കൂർ സ്വദേശി റിയാസിന്റെ കാർ ആണ് കത്തിയത്. ഫയർ ഫോഴ്സ് എത്തി തീയണച്ചു.