കാസർകോട്: വീട്ടമ്മയെ തൂങ്ങിമരിച്ച നിലയിൽ കണ്ടെത്തി. കാസർകോട് ചീമേനി ക്ലായിക്കോട്ടെ വിഷ്ണു നമ്പൂതിരിയുടെ ഭാര്യ സൗമ്യ (38) ആണ് മരിച്ചത്. പാലക്കാട് സ്വദേശിനിയാണ്. ഇന്ന് പുലർച്ചെ ഒന്നരയോടെ സൗമ്യയെ വീടിനകത്ത് തൂങ്ങിയ നിലയിൽ കണ്ടെത്തുകയായിരുന്നു.ഉടൻതന്നെ ചെറുവത്തൂരിലെ ആശുപത്രിയിലും നില ഗുരുതരമായതിനാൽ അവിടെ നിന്ന് പരിയാരത്തെ കണ്ണൂർ ഗവ.മെഡിക്കൽ കോളജ് ആശുപത്രിയിലേക്കും മാറ്റിയെങ്കിലും പുലർച്ചെയോടെ മരിക്കുകയായിരുന്നു. വീട്ടുകാരുടെ പരാതിയിൽ പോലീസ് കേസെടുത്തിട്ടുണ്ട്.