ഇടുക്കി: വിനോദസഞ്ചാരികളുടെ ഇഷ്ട ഇടമായ മൂന്നാറിൽ താപനില മൈനസിലെത്തി. മൂന്നാറിൽ ഈ സീസണിലെ ആദ്യ മൈനസ് ഡിഗ്രി താപനില ഇന്ന് പുലർച്ചെയാണ് രേഖപ്പെടുത്തിയത്. കെഡിഎച്ച്പി (KDHP) എസ്റ്റേറ്റിലെ സെവൻമലേ സെക്ഷനിലാണ് താപനില മൈനസിൽ എത്തിയത്. കഴിഞ്ഞ കുറച്ചുദിവസങ്ങളായി മൂന്നാറിൽ തണുപ്പ് വർധിച്ചു വരികയായിരുന്നു. പുൽമേടുകളിലും തേയിലത്തോട്ടങ്ങളിലും പുലർച്ചെ മഞ്ഞു വീണുകിടക്കുന്നത് കാണാൻ സഞ്ചാരികൾ ഒഴുകിയെത്തുകയാണ്.വരുന്ന ദിവസങ്ങളിൽ താപനില കൂടുതൽ താഴാൻ സാധ്യതയുണ്ട്. കാറുകളുൾപ്പെടെയുള്ള വാഹനങ്ങളുടെ മുകളിൽ ഐസ് പാളികൾ രൂപപ്പെട്ടു കാണാം. രാത്രികാലങ്ങളിൽ തീവ്രമായ തണുപ്പ് നിലനിൽക്കുമ്പോഴും പകൽ താപനില 23 ഡിഗ്രി സെൽഷ്യസ് വരെയെത്തുന്നു. ക്രിസ്മസ്-പുതുവത്സര അവധികൾ ആരംഭിച്ചതോടെ തണുപ്പ് ആസ്വദിക്കാൻ സഞ്ചാരികളുടെ തിരക്ക് മൂന്നാറിൽ വർധിച്ചുവരികയാണ്. തണുപ്പ് കൂടിയതിനാൽ പ്രദേശത്തെ പുൽമേടുകളിൽ വ്യാപകമായി മഞ്ഞ് കാണാം. കഴിഞ്ഞ സീസണിലെ ഏറ്റവും കുറഞ്ഞ താപനില മൈനസ് മൂന്ന് ഡിഗ്രി സെൽഷ്യസായിരുന്നു.മുന്നാർ ടൗണിനേക്കാൾ തോട്ടം മേഖലകളിലാണ് അതിശക്തമായ തണുപ്പ് അനുഭവപ്പെടുന്നത്. വരും ദിവസങ്ങളിലും തണുപ്പ് ഇതേ നിലയിൽ തുടരാനാണ് സാധ്യതയെന്ന് കാലാവസ്ഥാ നിരീക്ഷകർ വിലയിരുത്തുന്നു. തണുപ്പ് കടുത്തതോടെ മൂന്നാറിലേക്കുള്ള സഞ്ചാരികളുടെ ഒഴുക്കും വർധിച്ചിട്ടുണ്ട്.വിവിധ ഇടങ്ങളിലെ കുറഞ്ഞ താപനില (°C):സെവൻമലേ-1°Cചെണ്ടുവരൈ0°Cസൈലന്റ് വാലി0°Cനല്ലതണ്ണി0°Cലെച്ച്മി0°Cദേവികുളം1°Cമാട്ടുപ്പെട്ടി2°C