കൊല്ലം: മയ്യനാട് നിയന്ത്രണംവിട്ട ബൈക്ക് സ്വകാര്യബസ്സിലിടിച്ച് അപകടം. രണ്ട് യുവാക്കൾക്ക് ദാരുണാന്ത്യം. താന്നി സ്വദേശികളും 20 വയസ്സുകാരുമായ അലൻ ജോസഫ്, വിനു രാജ് എന്നിവരാണ് മരിച്ചത്. യുവാക്കൾ സഞ്ചരിച്ച ബൈക്ക് നിയന്ത്രണം വിട്ട് ബസിലേക്ക് ഇടിച്ചു കയറുകയായിരുന്നു. വൈകിട്ട് ആറ് മണിയോടെ മയ്യനാട്-താന്നി റോഡില് ശാസ്താംകോവില് സ്കൂളിന് സമീപമായിരുന്നു അപകടം. ഗുരുതരമായി പരിക്കേറ്റ ഇരുവരെയും സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.