തിരുവനന്തപുരം: ഫുട്ബാൾ താരം മെസി കേരളത്തിലേക്ക് വരില്ലെന്ന് സ്ഥിരീകരിച്ച് കായിക മന്ത്രി വി അബ്ദുറഹിമാന്. ഒക്ടോബറില് മെസ്സി കേരളത്തിൽ കളിക്കുമെന്നാണ് മന്ത്രി നേരത്തെ അറിയിച്ചിരുന്നത്. എന്നാൽ ഒക്ടോബറില് എത്താന് കഴിയില്ലെന്ന് ബന്ധപ്പെട്ടവര് അറിയിച്ചെന്ന് മന്ത്രി പറഞ്ഞു. അർജന്റീന ഫുട്ബോൾ അസോസിയേഷൻ ഇക്കാര്യം സ്ഥിരീകരിച്ചു.അർജന്റീന ഫുട്ബോൾ ടീമും സ്പോൺസർമാരും വ്യത്യസ്ത നിലപാടുകളെടുക്കുന്നതായാണ് മന്ത്രി പറയുന്നത്.അർജന്റീന ഫുട്ബോൾ അസോസിയേഷൻ ഒക്ടോബറിൽ കേരളത്തിൽ വരുന്നതിലുള്ള ബുദ്ധിമുട്ട് അറിയിച്ചു. എന്നാൽ ഒക്ടോബറിൽ വരുമെങ്കിൽ മാത്രമേ തങ്ങൾക്ക് താത്പര്യമുള്ളൂവെന്നാണ് സ്പോൺസർമാരുടെ നിലപാട്. ഇക്കാര്യത്തിലെ അവ്യക്തതയാണ് തീരുമാനം വൈകിപ്പിച്ചതെന്നും മന്ത്രി പറഞ്ഞു.അര്ജന്റൈന് ടീം എത്തുന്നതിനായുള്ള കരാറിന്റെ ആദ്യഗഡു നല്കിയിരുന്നു. എന്നാൽ മെസി ഡിസംബറില് ഇന്ത്യയില് എത്തിയേക്കും. ഫുട്ബോള് വര്ക്ക് ഷോപ്പുകള്ക്ക് വേണ്ടി മുംബൈ, കൊല്ക്കത്ത, ഡല്ഹി നഗരങ്ങളില് സന്ദര്ശിക്കുമെന്നാണ് റിപ്പോർട്ട്. മെസി ഇതാദ്യമായല്ല ഇന്ത്യയിലേക്ക് സന്ദര്ശനം നടത്തുന്നത്. 2011ല് അര്ജന്റീന ദേശീയ ടീമും മെസിയും ഇന്ത്യയിലേക്ക് ഫുട്ബോള് കളിക്കാന് എത്തിയിരുന്നു. കൊല്ക്കത്തയിലെ സാള്ട്ട ലേക്ക് സ്റ്റേഡിയത്തില് വെനസ്വേലക്കെതിരെ സൗഹൃദ മത്സരവും അന്ന് അര്ജന്റീന കളിച്ചിരുന്നു.
