തിരുവനന്തപുരം: പിതാവിന്റെ കൈയില് നിന്ന് താഴേക്കു വീണ് നാലുവയസുകാരൻ മരിച്ചു. പാറശാല പരശുവയ്ക്കല് പനയറക്കല് സ്വദേശികളായ രജിന് – ധന്യാ ദമ്പതികളുടെ മകൻ ഇമാനാണ് മരിച്ചത്. ഇവരുടെ ഏക മകനാണ് ഇമാൻ. കഴിഞ്ഞ ദിവസമാണ് ദാരുണമായ സംഭവമുണ്ടായത്.നഴ്സറിയിലേക്ക് കൊണ്ടുപോകാനായി കുട്ടിയെ എടുത്തുകൊണ്ട് നടക്കുന്നതിനിടെ കുട്ടിയുടെ കളിപ്പാട്ടത്തില് ചവിട്ടി പിതാവ് കാല്വഴുതി വീഴാനൊരുങ്ങി. കുട്ടി ഇയാളുടെ കൈയില് നിന്ന് താഴേക്ക് തെറിച്ചുവീണു. തലയടിച്ചാണ് കുട്ടി വീണത്. കുട്ടിയെ ഉടന് തന്നെ എസ്എടി ആശുപത്രിയില് എത്തിച്ചു. ശസ്ത്രക്രിയയും മണിക്കൂറുകള് നീണ്ട ചികിത്സയും നല്കിയെങ്കിലും കുഞ്ഞിനെ രക്ഷിക്കാനായില്ല.ഇന്നലെ വൈകുന്നേരത്തോടെ കുഞ്ഞിന്റെ മരണം സ്ഥിരീകരിക്കുകയായിരുന്നു. തലയ്ക്കേറ്റ ഗുരുതര പരുക്കിനെ തുടര്ന്നാണ് കുട്ടി മരിച്ചതെന്ന് ഡോക്ടർമാർ അറിയിച്ചു.
