ആലപ്പുഴ: ആലപ്പുഴ ബൈപ്പാസിന്റെ ബീച്ച് ഭാഗത്തെ നിര്മാണത്തിലിരുന്ന ഉയരപ്പാതയുടെ നാല് ഗര്ഡറുകള് തകര്ന്നുവീണു. സംഭവത്തില് ആളപായമില്ല. രണ്ട് മേല്പാതകളാണ് ഇവിടെയുള്ളത്. ഒന്നിന്റെ നിര്മാണം പുരോഗമിക്കുകയാണ്. മറ്റേത് ഗതാഗതത്തിന് തുറന്നുകൊടുത്തിട്ടുണ്ട്. ജില്ലാ കളക്ടര് അലക്സ് വര്ഗീസ് അപകടസ്ഥലം സന്ദർശിച്ച് രണ്ട് ദിവസത്തിനുള്ളില് റിപ്പോര്ട്ട് സമര്പ്പിക്കാന് ദേശീയപാതാ ഉദ്യോഗസ്ഥരോട് നിര്ദേശം നല്കിയിട്ടുണ്ട്.ബലക്ഷയമുണ്ടെന്ന ആക്ഷേപത്തില് വിശദപരിശോധന നടത്തുമെന്നും കളക്ടര് ഉറപ്പുനല്കി. അതേസമയം, സംഭവത്തില് അഴിമതിയുണ്ടെന്ന ആരോപണമുയര്ന്നിട്ടുണ്ട്. നിര്മാണത്തിനുപയോഗിച്ചിരിക്കുന്ന വസ്തുക്കളുടെ ഗുണനിലവാരത്തില് സംശയമുണ്ടെന്നും പരിശോധനകളാവശ്യമാണെന്നും നിര്മാണം തുടരണമെങ്കില് ഇതുമായി ബന്ധപ്പെട്ട അന്വേഷണം നടത്തി ഗുണനിലവാരം ഉറപ്പുവരുത്തണമെന്നും പ്രദേശവാസികള് ആവശ്യപ്പെട്ടു.