മലപ്പുറം: താനൂരിൽ യുവാവിനെ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് പോലീസ്. തിരൂർ നടുവിലങ്ങാടി സ്വദേശി അബ്ദുല് കരീമിനെ കഴിഞ്ഞ ചൊവ്വാഴ്ചയാണ് താമസിക്കുന്ന മുറിയില് മരിച്ച നിലയില് കണ്ടെത്തിയത്. പ്രതിയെ പോലീസ് പിടികൂടി. അഞ്ചുടി സ്വദേശി ഹുസൈൻ ആണ് പൊലീസിന്റെ പിടിയിലായത്.അബ്ദുല് കരീമിന്റെ കഴുത്തില് പാട് കണ്ടതോടെയാണ് കൊലപാതകമാണെന്ന സൂചനയിലേക്ക് പൊലീസ് എത്തിയത്. കരീമിന്റെ തലയില് ഇടിയേറ്റതായി ഇന്ക്വസ്റ്റിലും കണ്ടെത്തിയിരുന്നു. തുടര്ന്ന് നടത്തിയ അന്വേഷണത്തിലാണ് ഹുസൈൻ പിടിയിലായത്. ഹുസൈന്റെ ഫോൺ കഴിഞ്ഞ ദിവസം വില്പന നടത്തിയിരുന്നു. ഇതിൽ നിന്നും 1000 രൂപ അബ്ദുൽ കരീം മോഷ്ടിച്ചുവെന്ന് ആരോപിച്ചാണ് കരിമിനെ ആക്രമിച്ചത്. ഇതാണ് കൊലപാതകത്തിന് കാരണമെന്നാണ് വിവരം.