ചെന്താമരയുടെ ഫോണിന്റെ സിഗ്നൽ കാണിക്കുന്നത് കോഴിക്കോട് തിരുവമ്പാടിയിൽ

കോഴിക്കോട്: നെന്മാറ ഇരട്ടക്കൊലക്കേസ് പ്രതി ചെന്താമരയെ പിടികൂടാൻ 30 മണിക്കൂറുകൾ പിന്നിട്ടിട്ടും പൊലീസിന് കഴിഞ്ഞില്ല. അന്വേഷണം ഊർജിതമായി നടക്കുന്നതിനിടെയാണ് പ്രതിയിലേക്കെത്തുന്ന ചില സൂചനകൾ ലഭിച്ചത്. പ്രതിയുടെ മൊബൈൽ ഫോണുകളിൽ ഒന്നിന്റെ സിഗ്നൽ കോഴിക്കോട് തിരുവമ്പാടിയിലാണ് കാണിച്ചത്. പിന്നീട് ആ ഫോൺ ഓഫാകുകയും ചെയ്തു. ഇതേത്തുടർന്ന് പോലീസ് ചെന്താമരയ്ക്കായുള്ള അന്വേഷണം കോഴിക്കോട് ജില്ലയിലും ശക്തമാക്കി.കൊലപാതകശേഷം ഇയാൾ ഓടിപ്പോയി എന്ന് കരുതുന്ന കാട് കേന്ദ്രീകരിച്ചാണ് ഇന്ന് പ്രധാനമായും പോലീസ് തിരച്ചിൽ നടത്തിയത്. തി​ങ്ക​ളാ​ഴ്ച രാ​വി​ലെ 9.30നാ​ണ് പോ​ത്തു​ണ്ടി തി​രു​ത്ത​മ്പാ​ടം ബോ​യ​ൻ ന​ഗ​റി​ൽ അ​പ്പാ​യി​യു​ടെ ഭാ​ര്യ ല​ക്ഷ്മി​യെ​യും (76) മ​ക​ൻ സു​ധാ​ക​ര​നെ​യും (58) ചെന്താമര കൊ​ല​പ്പെ​ടു​ത്തി​യ​ത്‌. കൊ​ല​പാ​ത​ക സ​മ​യ​ത്ത് അ​യ​ൽ​പ​ക്ക​ത്ത് മ​റ്റാ​രു​മു​ണ്ടാ​യി​രു​ന്നി​ല്ല. അ​തു​വ​ഴി വ​ന്ന നാ​ട്ടു​കാ​രാ​ണ് ര​ക്ത​ത്തി​ൽ കു​ളി​ച്ചു​കി​ട​ക്കു​ന്ന​വ​രെ ക​ണ്ട​ത്. ല​ക്ഷ്മി​യെ ഉ​ട​ൻ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. സു​ധാ​ക​ര​ൻ ത​ൽ​ക്ഷ​ണം മ​രി​ച്ചി​രു​ന്നു. കൊ​ല​പാ​ത​കം ക​ഴി​ഞ്ഞ് ചെ​ന്താ​മ​ര വീ​ടി​ന​ക​ത്ത് ക​യ​റി വെ​ട്ടാ​നു​പ​യോ​ഗി​ച്ച വാ​ൾ മു​റി​ക്ക​ക​ത്തു​വെ​ച്ച് മു​ൻ​വ​​ശ​ത്തെ വാ​തി​ല​ട​ച്ച​ശേ​ഷം പി​ന്നി​ലെ വാ​തി​ലി​ലൂ​ടെ രക്ഷപെടുകയായിരുന്നു. സുധാകരന്റെ ഭാര്യ സജിതയെ 2019ൽ കൊലപ്പെടുത്തിയ കേസിൽ വിചാരണ നടന്നുകൊണ്ടിരിക്കെയാണ് രണ്ട് മാസം മുൻപ് ഇയാൾ ജാമ്യത്തിലിറങ്ങിയത്.