കോഴിക്കോട് : പുഴയിൽ ചാടിയ യുവാവിന്റെ മൃതദേഹം കണ്ടെത്തി. കൊണ്ടോട്ടി കൊട്ടപ്പുറം സ്വദേശി പട്ടേലത്ത് അലവിക്കുട്ടിയുടെ മകൻ സഫ്വാനാണ് (26) മരിച്ചത്. തിങ്കളാഴ്ച കാണാതായ യുവാവിന്റെ മൃതദേഹമാണ് ബുധനാഴ്ച രാവിലെ എട്ടോടെ പാലത്തിന് സമീപം ചന്തക്കടവ് ഭാഗത്ത് നിന്നും കണ്ടെത്തിയത്.ഫറോക്ക് പുതിയ പാലത്തിൽ നിന്നും ചാലിയാർ പുഴയിലേക്ക് ചാടുകയായിരുന്നു. മലപ്പുറം കൊണ്ടോട്ടി കൊട്ടപ്പുറത്ത് നിന്നും കഴിഞ്ഞ കുന്ദമംഗലം പതിമംഗലത്തെ ബോഡി വർക്ക്ഷോപ്പിൽ നിന്ന് ജോലി കഴിഞ്ഞ് മടങ്ങിയ സഫ്വാനെ കുറിച്ച് ഒരു വിവരവും ലഭിച്ചിരുന്നില്ല. തിങ്കളാഴ്ച വൈകീട്ട് ഏഴ് മണിക്ക് ഒരാൾ ഫറോക്ക് പുതിയ പാലത്തിൽ നിന്നും പുഴയിൽ ചാടിയെന്ന വിവരത്തെ തുടർന്ന് പൊലീസും അഗ്നിശമന യൂനിറ്റും കോസ്റ്റ് ഗാർഡും പുഴയിൽ തിരച്ചിൽ നടത്തിയെങ്കിലും കണ്ടെത്തിയിരുന്നില്ല.