കോഴിക്കോട്: കൈ ഞരമ്പ് മുറിച്ചശേഷം പുഴയിൽ ചാടിയ കോളജ് വിദ്യാർത്ഥി മരിച്ചു. ഉണ്ണികുളം ശാന്തി നഗർ കേളോത്ത് പറമ്പ് മുഹമ്മദ് ഉവൈസ് (20) ആണ് മരിച്ചത്. ഉള്ളിയേരി കണയങ്കോട് പാലത്തിൽ വച്ച് മുഹമ്മദ് ഉവൈസ് കൈ ഞരമ്പ് മുറിക്കുകയായിരുന്നു. ഇത് ശ്രദ്ധയിൽപെട്ട നാട്ടുകാർ ഇയാളോട് കാര്യം തിരക്കുന്നതിനിടയിൽ പുഴയിലേക്ക് ചാടുകയായിരുന്നുവെന്ന് ദൃക്സാക്ഷികൾ പറഞ്ഞു.ഫയർ സ്റ്റേഷൻ ഓഫിസർ സി.കെ.മുരളീധരന്റെ നേതൃത്വത്തിൽ കൊയിലാണ്ടിയിൽ നിന്നെത്തിയ അഗ്നിരക്ഷാ സേനയും നാട്ടുകാരും മത്സ്യ തൊഴിലാളികളും ചേർന്ന് തിരച്ചിൽ നടത്തി കണ്ടെത്തിയ യുവാവിനെ ഉടൻ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എളേറ്റിൽ വട്ടോളി ഗോൾഡൻ ഹിൽസ് കോളജ് വിദ്യാർത്ഥിയാണ് മുഹമ്മദ് ഉവൈസ്.