കാസര്കോട്: കാസര്കോട് തൊട്ടിൽ കയര് കഴുത്തിൽ കുരുങ്ങി എട്ട് മാസം പ്രായമായ കുഞ്ഞ് മരിച്ചു. കുണ്ടംകുഴി സ്വദേശി റഫീഖിന്റെയും ഭാര്യ സജ്നയുടെയും മകൾ ഷഹ്സ മറിയം ആണ് മരിച്ചത്. കാസര്കോട് കുണ്ടംകുഴിയിലാണ് സംഭവം.ഇന്ന് വൈകുന്നേരമാണ് തൊട്ടിലിന്റെ കയര് കുട്ടിയുടെ കഴുത്തിൽ കുരുങ്ങിയത്. മൃതദേഹം ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.