കോഴിക്കോട്: കോഴിക്കോട് ജില്ലാ സ്കൂൾ കലോത്സവ വേദിയിൽ നിന്ന് സ്പീക്കർ എഎൻ ഷംസീർ ഇറങ്ങിപ്പോയി. ഉദ്ഘാടനം ചെയ്ത് പ്രസംഗിക്കുന്നതിനിടെ അധ്യാപകർ പരസ്പരം സംസാരിച്ചതാണ് വേദിവിട്ടിറങ്ങാൻ കാരണമായത്. ഒടുവിൽ അധ്യാപകരെ ശകാരിച്ച സ്പീക്കർ പെട്ടെന്ന് പ്രസംഗം അവസാനിപ്പിച്ച് വേദി വിട്ട് ഇറങ്ങുകയായിരുന്നു.തന്റെ പ്രസംഗം കുട്ടികൾ ശ്രദ്ധയോടെ കേൾക്കുന്നുണ്ട്. എന്നാൽ, അധ്യാപകർ സംസാരിക്കുകയാണ് ചെയ്യുന്നത്. അതിനാൽ താൻ സംസാരിക്കുന്നില്ല. എന്ന് മൈക്കിലൂടെ അധ്യാപകരെ ശകാരിച്ച ശേഷമാണ് സ്പീക്കർ പ്രസംഗം അവസാനിപ്പിച്ചത്.‘സ്പീക്കർ സംസാരിക്കുമ്പോൾ ആളുകൾ സംസാരിച്ചു കൊണ്ടിരിക്കുകയാണ്. ഇത് പിന്നെ, ഞാൻ ആരോട് പ്രസംഗിക്കാനാണ്. അതുകൊണ്ട് ചെയ്യാൻ പറ്റുന്ന കാര്യം പ്രസംഗം ചുരുക്കുക എന്നതാണ്. മറ്റ് കൂടുതൽ കാര്യങ്ങൾക്കൊന്നും പോകുന്നില്ല. ശരിക്കും കുട്ടികൾ ശ്രദ്ധിക്കുന്നുണ്ട്. അധ്യാപകരാണ് ശ്രദ്ധിക്കാത്തത്. അതിനാൽ, കോഴിക്കോട് സംസ്ഥാന സ്കൂൾ കലോത്സവം ഉദ്ഘാടനെ ചെയ്തതായി പ്രഖ്യാപിച്ചു കൊണ്ട് ഞാൻ നിർത്തുന്നു.’- എഎൻ ഷംസീർ പറഞ്ഞു.