എറണാകുളം: സംസ്ഥാനം സാമ്പത്തിക പ്രതിസന്ധിയില്. ദൈനംദിന പ്രവർത്തനങ്ങൾക്ക് പണം കണ്ടെത്താൻ ബുദ്ധിമുട്ടുകയാണ് സംസ്ഥാനം. പെൻഷൻ വിതരണത്തിന് പണം അനുവദിക്കാൻ സാധിക്കാത്തത് സംസ്ഥാനം സാമ്പത്തിക പ്രതിസന്ധിയിലായത് കൊണ്ടാണെന്ന് ചീഫ് സെക്രട്ടറി. ഇക്കാര്യം ചീഫ് സെക്രട്ടറി ഹൈക്കോടതിയെ അറിയിച്ചു.കെഎസ്ആര്ടിസിയിലെ പെന്ഷന് വൈകുന്നതിനെതിരായ ഹര്ജിയിലാണ് ചീഫ് സെക്രട്ടറി ഓണ്ലൈനില് ഹാജരായി ഇക്കാര്യം അറിയിച്ചത്.ദൈനംദിന പ്രവർത്തനങ്ങൾക്ക് പോലും പണം കണ്ടെത്താൻ ബുദ്ധിമുട്ടുകയാണെന്നും അദ്ദേഹം പറഞ്ഞു.നവംബർ 30നുള്ളിൽ ഒക്ടോബർ നവംബർ മാസത്തെ പെൻഷൻ നൽകണമെന്ന് കോടതി നിര്ദേശിച്ചു.ഇത് നൽകിയില്ലെങ്കിൽ ചീഫ് സെക്രട്ടറിയും കെഎസ്ആര്ടിസി എംഡിയും കോടതിയിൽ ഹാജരാകണം.ആഘോഷത്തിനല്ല അല്ല മനുഷ്യന്റെ ജീവിത പ്രശ്നത്തിനാണ് പ്രാധാന്യം നൽകേണ്ടത് എന്ന് കോടതി വാക്കാല് പരാമര്ശിച്ചു.കേരളീയം പോലുള്ള ആഘോഷ പരിപാടികളേക്കാൾ മനുഷ്യൻ്റെ ബുദ്ധിമുട്ടുകൾക്കാണ് പ്രാധാന്യം നൽകേണ്ടതെന്നും കോടതി പറഞ്ഞു.ഒക്ടോബർ മാസത്തെ പെൻഷൻ ഈ മാസം 30 നകം കൊടുക്കുമെന്ന് സർക്കാർ ഉറപ്പ് നല്കി