തൊടുപുഴ: മേലുകാവില്‍ ഓടുന്ന കാറിന് തീപിടിച്ചു. കാറിലുണ്ടായിരുന്ന നാലംഗ കുടുംബം അത്ഭുതകരമായാണ് രക്ഷപ്പെട്ടത്. കാറില്‍നിന്ന് പുക ഉയരുന്നത് ശ്രദ്ധയില്‍പ്പെട്ട മറ്റ് വാഹനങ്ങളിലെ യാത്രക്കാര്‍ ഇവരെ വിവരം അറിയിക്കുകയായിരുന്നു. ഉടനെ കാര്‍ നിര്‍ത്തി വാഹനത്തിലുണ്ടായിരുന്നവര്‍ പുറത്തിറങ്ങിയതോടെ തീ ആളി പടരുകയായിരുന്നു.രാവിലെ പത്തരയ്ക്ക് മേലുകാവ് സിഎംഎസ് ഹയര്‍ സെക്കന്‍ഡറി സ്കൂളിന് സമീപമാണ് സംഭവം. പിന്നീട് ഈരാറ്റുപേട്ടയില്‍നിന്നുള്ള ഫയര്‍ഫോഴ്‌സ് സംഘമെത്തിയാണ് തീയണച്ചത്. തീപിടിത്തത്തിന്‍റെ കാരണം എന്താണെന്ന് വ്യക്തമല്ല.