വാട്സ്ആപ്പ് അവതരിപ്പിച്ചതിൽ ഏറ്റവും ജനപ്രിയമായ ഫീച്ചറാണ് സ്റ്റാറ്റസ്. സ്റ്റാറ്റസുകൾ കാണാൻ വേണ്ടി മാത്രമായി വാട്സ്ആപ്പ് ഉപയോഗിക്കുന്ന ഒരുപാട് ആളുകളുണ്ട്. എന്നാൽ സ്റ്റാറ്റസുകൾ പോസ്റ്റ് ചെയ്താൽ അതിന്റെ ആയുസ് 24 മണിക്കൂറുകളാണ്. സമയം കഴിഞ്ഞാൽ ഇത് താനേ ഡിലീറ്റ് ആയി പോവും. എന്നാൽ പുതിയ അപ്ഡേറ്റ് അനുസരിച്ച് ഈ സമയപരിധി വാട്സ്ആപ്പ് നീട്ടാൻ സാധ്യതയുണ്ടെന്ന് സമീപകാല റിപ്പോർട്ട് സൂചിപ്പിക്കുന്നത്.WABetaInfo-യുടെ റിപ്പോർട്ട് അനുസരിച്ച്, വാട്ട്സ്ആപ്പ് അതിന്റെ “സ്റ്റാറ്റസ്” സവിശേഷത മെച്ചപ്പെടുത്താൻ പോവുകയാണ്. സ്റ്റാറ്റസ് എത്രനാള് കാണണമെന്ന് ഉപയോക്താവിന് തീരുമാനിക്കാന് കഴിയുന്നവിധം ഓപ്ഷന് തെരഞ്ഞെടുക്കാന് സാധിക്കുന്ന തരത്തിലാണ് പുതിയ ഓപ്ഷൻ കൊണ്ടുവരുന്നത്.പരമാവധി രണ്ടാഴ്ച വരെ സ്റ്റാറ്റസ് വയ്ക്കാന് കഴിയുന്ന തരത്തിലാണ് ഫീച്ചർ കൊണ്ടുവരുന്നത്. കൂടാതെ നിലവിലുള്ളതുപോലെ 24 മണിക്കൂറും ഒപ്പം 3 ദിവസം ഒരാഴ്ച എന്നിങ്ങനെ വിവിധ ഓപ്ഷനുകള് തെരഞ്ഞെടുക്കാനുള്ള സൗകര്യവും ഉണ്ടായിരിക്കും.തുടക്കത്തില് ടെക്സ്റ്റ് സ്റ്റാറ്റസുകള്ക്ക് മാത്രമാണ് ഈ ഫീച്ചര് കൊണ്ടുവരിക. വീഡിയോ, ചിത്രം എന്നിവ ഉള്പ്പെടുത്തി കൊണ്ടുള്ള സ്റ്റാറ്റസുകള്ക്കും സമയപരിധി നീട്ടുമോ എന്ന കാര്യത്തില് നിലവിൽ വ്യക്തത വന്നിട്ടില്ല.