നിലമ്പൂര്(മലപ്പുറം): റിസോര്ട്ടിലെ പൂളില് മുങ്ങി ഏഴു വയസ്സുകാരന് ദാരുണാന്ത്യം. കോഴിക്കോട് കക്കാടംപോയിലിലെ ഏദൻസ് ഗാർഡൻ എന്ന റിസോർട്ടിലെ പൂളിൽ വച്ചാണ് അപകടമുണ്ടായത്. മലപ്പുറം കൂട്ടിലങ്ങാടി പഴമള്ളൂർ അഷ്മിൽ എന്ന കുട്ടിയാണ് മരണപ്പെട്ടത്. വെള്ളിയാഴ്ച വൈകീട്ട് ഏഴോടെയായിരുന്നു സംഭവം. വിനോദസഞ്ചാരത്തിനായി ബന്ധുക്കള്ക്കൊപ്പമെത്തിയതാണ് കുട്ടി. അബദ്ധത്തില് നീന്തല്ക്കുളത്തില് വീണതാണെന്നു കരുതുന്നു.ആദ്യം കൂടരഞ്ഞിയിലെ സ്വകാര്യആശുപത്രിയിലും തുടര്ന്ന് എട്ടുമണിയോടെ കോഴിക്കോട് മെഡിക്കല് കോളേജ് ആശുപത്രിയിലും എത്തിച്ചു. ഗുരുതരാവസ്ഥയിലായിരുന്നതിനാല് ഉടന് മാതൃ-ശിശുവിഭാഗത്തിലേത്ത് കൊണ്ടുപോയെങ്കിലും രക്ഷിക്കാനായില്ല. കുട്ടി പൂളിലേക്ക് കാൽ വഴുതി വീഴുകയായിരുന്നുവെന്നാണ് പൊലീസ് നിരീക്ഷണം. മൃതദേഹം മെഡിക്കല്കോളേജ് ആശുപത്രി മോര്ച്ചറിയില്.