മലപ്പുറം: ആൾമറയില്ലാത്ത കിണറ്റിൽ വീണ് 10 വയസ്സുകാരന് ദാരുണാന്ത്യം. മലപ്പുറം ചുങ്കത്തറയിലാണ് ഇന്ന് വൈകിട്ടോടെ കിണറ്റിൽ വീണ് പത്തു വയസുകാരൻ മരിച്ചത്. ചുങ്കത്തറ മദര് വെറോണിക്ക സ്പെഷ്യല് സ്കൂളിലെ വിദ്യാര്ത്ഥി അജ്വദ് ആണ് മരിച്ചത്. മൃതദേഹം നിലമ്പൂര് ജില്ലാ ആശുപത്രിയിലെ മോര്ച്ചറിയിലേക്ക് മാറ്റി. കളിക്കുന്നതിനിടിയിൽ അബദ്ധത്തിൽ കിണറ്റിൽ വീഴുകയായിരുന്നുവെന്നാണ് വിവരം.