ആലപ്പുഴ: കൊലക്കേസ് പ്രതികൾക്കൊപ്പം വിനോദയാത്ര നടത്തിയ പോലീസ് ഉദ്യോഗസ്ഥന് സസ്പെൻഷൻ. ആലപ്പുഴ എ.ആർ ക്യാമ്പ് എ.എസ്.ഐ ശ്രീനിവാസനാണ് സസ്പെൻഷൻ. ജില്ല പൊലീസ് മേധാവിക്ക് ലഭിച്ച പരാതിയുടെ അടിസ്ഥാനത്തിലാണ് സസ്പെൻഷൻ നടപടി. പോലീസുകാരനുമൊത്തുള്ള ആഘോഷ വീഡിയോ വൈറൽ ആയിരുന്നു.11 വർഷംമുമ്പ് ആലപ്പുഴ നഗരത്തെ നടുക്കിയ കൊലപാതക ശ്രമത്തിൽ ജാമ്യംനേടിയ മൂന്നാംപ്രതി ഉണ്ണിക്കും (41) സുഹൃത്തുക്കൾക്കുമൊപ്പമാണ് എ.എസ്.ഐ ശ്രീനിവാസൻ ആഘോഷം നടത്തിയത്. കഴിഞ്ഞ മാർച്ചിലായിരുന്നു കേസിനാസ്പദമായ സംഭവം.ആഘോഷത്തിന്റെയും വിനോദയാത്രയുടെയും വിവരങ്ങൾ ഉന്നത പൊലീസ് ഉദ്യോഗസ്ഥരെ അറിയിച്ചെങ്കിലും നടപടിയുണ്ടായില്ല. ഇതിനുപിന്നാലെ പ്രതികൾക്കൊപ്പം ആഘോഷത്തിൽ പങ്കാളിയായ എ.എസ്.ഐയുടെ ചിത്രവും വീഡിയോയും വൈറലായിരുന്നു.നഗരത്തിലെ കൊലപാതകശ്രമക്കേസിൽ ജില്ല സെഷൻസ് കോടതി പതിനൊന്നര വർഷം ശിക്ഷിച്ച ഉണ്ണി ഉൾപ്പെടെയുള്ള പ്രതികൾ ഹൈകോടതിയിൽനിന്ന് ജാമ്യം നേടിയതിനു പിന്നാലെയായിരുന്നു ആഘോഷം.