ഡൽഹി: 2024ലെ മെഡിക്കല് പിജി പ്രവേശത്തനത്തിനുള്ള നീറ്റ് പി ജി പരീക്ഷയുടെ പുതുക്കിയ തീയതി പ്രഖ്യാപിച്ചു. പരീക്ഷ ഓഗസ്റ്റ് 11 ന് നടത്തും. രണ്ട് ഷിഫ്റ്റുകളായിട്ടായിരിക്കും പരീക്ഷ നടത്തുകയെന്ന് നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസ് അറിയിച്ചു.നീറ്റ്, നെറ്റ് പരീക്ഷകളുടെ ചോദ്യപ്പേപ്പര് ചോര്ച്ച വിവാദങ്ങളുടെ പശ്ചാത്തലത്തിലാണ് നീറ്റ് പിജി പരീക്ഷ മാറ്റിവെച്ചത്. ജൂണ് 23-ന് നടത്തേണ്ടിയിരുന്ന നീറ്റ് പിജി പരീക്ഷ ചോദ്യപേപ്പര് ചോര്ച്ചയുള്പ്പെടെയുള്ള ക്രമക്കേടുകളെ തുടര്ന്ന് മാറ്റിവെച്ചിരുന്നു. പരീക്ഷ നടക്കാന് മണിക്കൂറുകള് ബാക്കി നില്കെയായിരുന്നു മാറ്റിവെച്ചത്.