കണ്ണൂര്: സിപിഎം കണ്ണൂർ ജില്ലാ കമ്മിറ്റി അംഗം മനു തോമസിനെ പാർട്ടി അംഗത്വത്തിൽ നിന്നു പുറത്താക്കി. അനധികൃത സ്വത്ത് സമ്പാദനവുമായി ബന്ധപ്പെട്ട് മനു തോമസിനെതിരെ പരാതി ഉയര്ന്നിരുന്നു. ഇതിനു പിന്നാലെ ആണ് പാർട്ടിയുടെ നടപടി. പാര്ട്ടി നടപടി ഉറപ്പായതിനാല് 2023 മുതല് മനു തോമസ് മെമ്പര്ഷിപ്പ് പുതുക്കിയില്ല. ഒരു വര്ഷമായി പാര്ട്ടി പരിപാടികളില് നിന്നും വിട്ട് നില്ക്കുകയായിരുന്നു.ഒരു വര്ഷത്തിലധികമായി പാര്ട്ടി യോഗത്തിലും പരിപാടികളില് നിന്നും പൂര്ണ്ണമായി വിട്ടു നിന്നിട്ടും മനു തോമസിനെതിരെ നടപടി എടുത്തിരുന്നില്ല. കഴിഞ്ഞ ദിവസം ചേര്ന്ന ജില്ലാ കമ്മിറ്റി യോഗത്തിലാണ് മനു തോമസിനെ പുറത്താക്കി തീരുമാനം എടുത്തത്. മെമ്പര്ഷിപ്പ് പുതുക്കാത്തതിനാണ് നടപടിയെന്ന് ഔദ്യോഗിക വിശദീകരണം. ഡിവൈഎഫ്ഐ മുന് കണ്ണൂര് ജില്ലാ പ്രസിഡന്റും തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റുമായിരുന്നു മനു തോമസ്.